ᱟᱥᱟᱢ ᱯᱚᱱᱚᱛ ᱨᱮ ᱥᱚᱦᱚᱨᱟᱭ ᱯᱚᱨᱚᱵ ᱚᱠᱟ ᱞᱮᱠᱟ .

 

ᱠᱚᱠᱲᱟᱡᱷᱟᱲ , ᱢᱚᱛᱤᱞᱟᱞ ᱵᱟᱥᱠᱮ -: ᱛᱮᱦᱤᱧ ᱥᱚᱦᱚᱨᱟᱭ ᱯᱚᱨᱚᱵ ᱠᱩ ᱟᱛᱟᱝ ᱫᱟᱨᱟᱢ ᱠᱮᱫᱟ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱠᱚᱠᱲᱟᱡᱷᱟᱲ ᱦᱚᱱᱚᱛ ᱨᱮᱭᱟᱜ ᱡᱚᱭᱯᱩᱨ ᱟᱹᱛᱩᱨᱮ ᱿ ᱟᱨ ᱫᱚᱥᱟᱨ ᱫᱤᱱ ᱠᱷᱟᱱᱜᱮ ᱥᱚᱦᱚᱨᱟᱭ ᱨᱮᱭᱟᱜ ᱯᱟᱹᱦᱤᱞ ᱫᱤᱱ ᱩᱢ ᱢᱟᱦᱟᱸ᱿ᱠᱷᱩᱱᱴᱟᱸᱣ ᱢᱟᱦᱟᱸ ᱡᱟᱞᱮ ᱢᱟᱦᱟᱸ ᱦᱟᱹᱠᱩ ᱠᱟᱴᱠᱚᱢ ᱟᱨ ᱥᱟᱠᱽᱨᱟᱫ ᱠᱩ ᱢᱟᱱᱟᱣᱟ ᱿

ᱟᱥᱟᱢ ᱯᱚᱱᱚᱛ ᱨᱮ JAHER SAGUN BAISI ᱜᱚᱱᱚᱴᱷᱚᱱ ᱣᱟᱜ ᱩᱢᱩᱞ ᱨᱮ ᱢᱮᱱᱟᱜ ᱠᱩ ᱥᱟᱱᱛᱟᱞ ᱫᱚ 14 january ᱠᱷᱚᱱ 19 january (2026) ᱫᱷᱟᱵᱤᱜ ᱠᱩ ᱢᱟᱱᱟᱣᱮᱛ ᱠᱟᱱᱟ ᱥᱚᱦᱚᱨᱟᱭ ᱯᱚᱨᱚᱵ᱾ ᱢᱮᱱᱛᱮ ᱜᱟᱱᱚᱜ ᱼᱟ ᱱᱚᱰᱮ ᱥᱚᱦᱚᱨᱟᱭ ᱟᱨ ᱥᱟᱠᱽᱨᱟᱫ ᱫᱚ ᱥᱚᱦᱚᱨᱟᱭ ᱢᱩᱪᱟᱹᱫ ᱢᱟᱦᱟ ᱨᱮᱜᱮ ᱠᱩ ᱥᱟᱠᱽᱨᱟᱫᱚᱜ ᱠᱟᱱᱟ ᱟᱥᱟᱢ ᱨᱮᱱ ᱥᱟᱱᱛᱥᱞ ᱠᱩ᱾ ᱚᱱᱟᱛᱮ ᱟᱥᱟᱢ ᱯᱚᱱᱚᱛ ᱨᱮᱱ ᱥᱟᱱᱛᱟᱞ ᱠᱩᱫᱚ ᱥᱚᱦᱚᱨᱟᱭ ᱟᱨ ᱥᱟᱠᱽᱨᱟᱫ ᱫᱚ ᱢᱤ ᱛᱮᱜᱮ ᱠᱩ ᱢᱟᱱᱟᱣᱮᱛ ᱠᱟᱱᱟ ᱿ᱱᱚᱰᱮ ᱢᱤᱫ ᱠᱩᱠᱞᱤ ᱦᱚ ᱨᱟᱠᱟᱵ ᱠᱟᱱᱟ ᱟᱥᱟᱢ ᱨᱮᱱ ᱥᱟᱱᱛᱟᱞ ᱫᱚ ᱪᱮᱫᱟᱜ january ᱪᱟᱱᱫᱚ ᱨᱮᱭᱟᱜ ᱢᱟᱹᱦᱤᱛ 14 ᱠᱷᱚᱱ 19 ᱫᱷᱟᱵᱤᱜ ᱠᱩ ᱢᱟᱱᱟᱣᱮᱛ ᱠᱟᱱᱟ ᱱᱚᱭᱟ ᱠᱟᱛᱷᱟ ᱠᱩ ᱟᱥᱟᱢ ᱨᱮᱱ ᱥᱟᱱᱛᱟᱞ ᱴᱷᱮᱜ ᱜᱮ ᱠᱩᱠᱞᱤ ᱨᱟᱠᱟᱵᱚᱜ ᱠᱟᱱᱟ ᱟᱨ ᱪᱮᱫᱟᱜ ᱮᱴᱟᱜ ᱮᱴᱟᱜ ᱯᱚᱱᱚᱛ ᱨᱮᱫᱚ 9 january ᱠᱷᱚᱱ 14 january ᱫᱷᱟᱵᱤᱜ ᱛᱮ ᱠᱩ ᱢᱟᱱᱟᱣᱮᱛ ᱠᱟᱱᱟ᱿ ᱱᱚᱣᱟ ᱠᱟᱛᱷᱟ ᱵᱩᱴᱟᱹ ᱥᱟᱦᱤᱡ ᱵᱟᱰᱟᱭ ᱡᱚᱝ ᱫᱚ ᱟᱹᱰᱤ ᱞᱟᱠᱛᱤ ᱜᱮᱭᱟ ᱾

ᱱᱚᱰᱮ ᱠᱟᱛᱷᱟ ᱠᱩ ᱞᱟᱹᱭ ᱯᱟᱱᱡᱟ ᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱪᱟᱞᱟᱣᱮᱱ 1996 ᱥᱟᱞ ᱨᱮᱭᱟᱜ 15 may ᱪᱟᱱᱫᱚ ᱨᱮ bodo ᱟᱨ Adivasi ᱠᱩ ᱛᱟᱞᱟᱨᱮ ᱢᱤᱫ ᱟᱹᱰᱤ ᱢᱟᱨᱟᱝ ᱛᱟᱯᱟᱢ ᱛᱩᱯᱩᱫ ᱦᱩᱭᱞᱮᱱᱟ ᱟᱨ ᱩᱱ ᱫᱤᱱ ᱠᱷᱟᱱ ᱜᱮ ᱥᱟᱱᱟᱢ ᱥᱟᱱᱛᱟᱞ ᱠᱩ ᱟᱹᱰᱤᱜᱟᱱ ᱱᱤᱡᱟᱹᱨᱟᱜ ᱡᱟᱜᱟ ᱡᱩᱢᱤ ᱠᱟᱹᱜᱤ ᱠᱟᱛᱮᱜ ᱦᱟᱱᱛᱮ ᱱᱚᱛᱮ ᱪᱟᱵᱟᱭ ᱱᱟᱠᱩ ᱚᱠᱚᱭ ᱚᱠᱟ ᱴᱷᱟᱸᱨᱮ ᱪᱚᱝ ᱚᱲᱟᱜ ᱫᱩᱣᱟᱹᱨ ᱠᱮᱫᱟᱭ ᱾

ᱚᱱᱟ ᱛᱟᱭᱱᱚᱢ 2001 ᱥᱟᱞᱨᱮᱭᱟᱜ january ᱢᱟᱹᱦᱟᱹᱱᱟᱸ ᱨᱮ ᱥᱟᱱᱛᱟᱞ ᱥᱚᱢᱟᱡᱽ ᱠᱩ ᱧᱮᱞ ᱥᱟᱢᱴᱟᱭ ᱞᱟᱹᱜᱤᱫ ᱢᱤᱫ ᱜᱚᱱᱚᱴᱷᱚᱱ ᱛᱮᱭᱟᱨ ᱮᱱᱟ ᱚᱱᱫᱚ ᱦᱩᱭᱩᱜ ᱠᱟᱱᱟ JAHER SAGUN BAISI ,

ᱛᱚᱵᱮ ᱱᱚᱰᱮ ᱦᱩᱫᱤᱥ ᱠᱮᱫᱟᱭ jaher sagun baisi ᱠᱤᱪᱦᱩ ᱟᱵᱩ ᱠᱚᱨᱮᱱ ᱥᱟᱱᱛᱟᱞ ᱵᱚᱭᱦᱟ ᱠᱩ ᱞᱟᱹᱜᱤᱫ ᱛᱮ ᱢᱤᱫ ᱢᱟᱨᱟᱝ ᱞᱟᱲᱟᱭ ᱱᱟᱜ ᱠᱟᱹᱢᱤᱦᱚᱨᱟᱭ ᱮᱛᱷᱚᱵ ᱠᱮᱫ ᱠᱷᱟᱱ ᱜᱮ ᱟᱹᱰᱤᱜᱟᱱ ᱟᱹᱛᱩᱨᱮ ᱫᱟᱲᱟ ᱠᱮᱫᱟ ᱟᱨ ᱚᱱᱠᱟᱛᱮ ᱥᱚᱦᱚᱨᱟᱭ ᱯᱚᱨᱚᱵ ᱮ ᱱᱮᱰᱟ ᱜᱚᱴᱟ ᱠᱮᱫᱟ ᱟᱨ ᱚᱱᱟ ᱫᱤᱱ ᱫᱚᱭ ᱫᱚᱦᱚ ᱠᱮᱫᱟ ᱢᱟᱹᱦᱤᱛ 14 ᱠᱷᱳᱱ 19 january ᱫᱷᱟᱹᱵᱤᱜ ᱛᱮ ᱥᱚᱦᱚᱨᱟᱭ ᱫᱚ ᱵᱩᱝ ᱢᱟᱱᱟᱣ ᱢᱟ᱿ᱟᱨ ᱚᱠᱟ ᱡᱟᱜᱟ ᱠᱚᱨᱮ ᱪᱚᱝ ᱮᱛᱚᱢ ᱚᱴᱩ ᱠᱟᱫᱟᱜ ᱼᱟ ᱪᱮᱫᱟᱜ ᱡᱮ ᱩᱱ ᱚᱠᱛᱚ ᱨᱮᱭᱟᱜ ᱫᱤᱱ ᱠᱩ ᱟᱹᱰᱤ ᱟᱹᱛᱩ ᱯᱟᱲᱟ ᱦᱚᱸ ᱢᱚᱪ ᱟᱛᱮ ᱟᱯᱟᱱ ᱟᱯᱤᱱ ᱜᱷᱟᱨᱚᱡᱽ ᱨᱮ ᱠᱩ ᱨᱟᱹᱥᱠᱟᱹ ᱨᱚᱢᱚᱡᱚᱜ ᱼᱟ᱿ ᱱᱚᱰᱮ ᱵᱟᱰᱟᱭ ᱛᱮᱱᱟᱜ ᱠᱟᱛᱷᱟ ᱫᱚ ᱟᱭᱢᱟᱜᱮ ᱢᱮᱱᱟᱜ ᱼᱟ ᱚᱠᱛᱚ ᱠᱩ ᱦᱩᱭᱞᱮᱱ ᱠᱷᱟᱱ ᱜᱮ ᱡᱚᱛᱚ ᱠᱟᱛᱷᱟ ᱵᱟᱰᱟᱭ ᱧᱟᱢᱚᱜ ᱼᱟ ᱡᱚᱦᱟᱨ᱿