ᱠᱚᱠᱲᱟᱡᱷᱟᱲ ᱠᱷᱚᱱ, ᱢᱚᱛᱤᱞᱟᱞ ᱵᱟᱥᱠᱮ -: ᱟᱥᱟᱢ ᱯᱚᱱᱚᱛ ᱨᱮᱱ ᱥᱟᱱᱛᱟᱞ ᱫᱚ ᱛᱮᱦᱤᱧ ᱫᱚᱠᱩ ᱩᱢ ᱮᱱᱟ ᱿ᱜᱚᱴ ᱴᱟᱸᱰᱤ ᱨᱮ ᱱᱟᱭᱠᱮ ᱵᱟᱵᱟ ᱟᱭᱟᱜ ᱵᱚᱝᱜᱟ ᱵᱩᱨᱩ ᱠᱟᱹᱢᱤ ᱦᱚᱨᱟ ᱠᱩ ᱦᱚᱸᱭ ᱥᱟᱨᱫᱤ ᱠᱮᱫᱟ ᱥᱤᱢ ᱯᱟᱣᱨᱟ ᱠᱩ ᱵᱚᱝᱜᱟ ᱠᱮᱫ ᱠᱩᱣᱟᱭ ᱟᱨ ᱜᱚᱴ ᱡᱚᱦᱟᱨ ᱠᱮᱫᱟᱭ ᱱᱟᱭᱠᱮ ᱵᱟᱵᱟ ᱫᱚ᱾ ᱟᱨ ᱟᱛᱹᱩ ᱯᱟᱲᱟ ᱱᱟᱭ ᱱᱟᱯᱟᱭ ᱛᱮ ᱨᱟᱹᱥᱠᱟᱹ ᱨᱚᱢᱚᱡᱽ ᱮᱢᱟᱱ ᱛᱟᱦᱮᱱ ᱛᱟᱯᱟᱦᱮᱱ ᱨᱮ ᱵᱩᱜᱤ ᱠᱟᱜ ᱞᱟᱹᱜᱤᱫ ᱜᱮ ᱴᱷᱤᱜ ᱵᱚᱝᱜᱟ ᱵᱩᱨᱩ ᱥᱟᱣᱛᱮ ᱡᱚᱦᱟᱨ ᱪᱟᱞ ᱟᱫ ᱠᱩᱣᱟᱭ ᱱᱟᱭᱠᱮ ᱵᱟᱵᱟ᱿ ᱥᱟᱣᱼᱥᱟᱣᱛᱮ ᱠᱩᱰᱟᱹᱢ ᱱᱟᱭᱠᱮ ᱦᱚᱸᱟᱭᱟᱜ ᱯᱩᱡᱟᱹ ᱯᱟᱴᱮ ᱠᱚᱨᱟᱭ ᱠᱮᱫᱟ ᱡᱮᱢᱚᱱ ᱥᱮᱸᱱᱫᱨᱟᱠᱟᱨ ᱠᱚᱨᱮ ᱱᱟᱯᱟᱭ ᱛᱮ ᱥᱮᱸᱱᱫᱨᱟ ᱠᱚᱲᱟ ᱠᱩ ᱵᱩᱜᱤ ᱥᱟᱹᱦᱤᱡ ᱛᱮ ᱠᱩ ᱧᱟᱢ ᱨᱮᱭᱟᱜ ᱢᱤᱫ ᱠᱟᱛᱷᱟ ᱦᱚᱸᱭ ᱫᱚᱦᱚ ᱠᱮᱫᱟ ᱜᱩᱰᱟᱹᱢ ᱱᱟᱭᱠᱮ ᱿ᱟᱨ ᱚᱱᱠᱟᱛᱮ ᱟᱹᱛᱩ ᱯᱟᱲᱟ ᱥᱟᱱᱟᱢ ᱠᱚ ᱥᱤᱢ ᱥᱚᱲᱮ ᱵᱮᱱᱟᱭ ᱠᱟᱛᱮᱜ ᱠᱩ ᱡᱚᱢ ᱠᱮᱫᱟ᱿
ᱚᱱᱟ ᱛᱟᱭᱱᱚᱢ ᱟᱹᱛᱩ ᱦᱚᱲ ᱨᱮᱱ ᱥᱟᱱᱟᱢ ᱜᱟᱸᱭ ᱰᱟᱸᱝᱜᱨᱤ ᱠᱩ ᱞᱟᱜᱟ ᱟᱜᱩ ᱠᱮᱫ ᱠᱩᱣᱟ ᱜᱚᱴ ᱴᱟᱸᱱᱰᱤ ᱨᱮ ᱟᱨ ᱥᱤᱢ ᱵᱤᱞᱤ ᱠᱩ ᱞᱮᱵᱮᱫ ᱚᱪᱩ ᱠᱮᱫ ᱠᱩᱣᱟ ᱢᱮᱱᱫᱚ (ᱠᱷᱚᱸᱱᱴ ᱵᱤᱞᱤ) ᱡᱟᱦᱟᱭ ᱜᱷᱟᱨᱚᱱᱡ ᱨᱮᱱ ᱜᱟᱸᱭ ᱥᱮ ᱰᱟᱸᱝᱜᱨᱟ ᱡᱚᱫᱤ ᱠᱷᱚᱸᱱᱴ ᱨᱮᱭᱟᱜ ᱵᱤᱞᱤ ᱠᱩ ᱞᱮᱵᱮᱫᱟ ᱛᱚᱵᱮ ᱫᱟᱨᱟᱭ ᱥᱮᱨᱢᱟ ᱨᱮ ᱰᱟᱸᱝᱜᱨᱤ ᱢᱟᱞᱤᱜ ᱫᱚ ᱟᱹᱛᱩ ᱦᱚᱲ ᱢᱤᱫ ᱴᱩᱠᱩᱭᱡ ᱦᱟᱺᱱᱰᱤ ᱮᱢᱚᱠ ᱡᱟᱨᱩᱲᱟᱭᱟ ᱿
ᱟᱨ ᱚᱱᱟ ᱛᱟᱭᱱᱚᱢ ᱫᱚ ᱱᱟᱭᱠᱮ ᱵᱟᱵᱟ ᱮᱱᱮᱜ ᱮᱫᱤ ᱠᱟᱛᱮ ᱚᱲᱟᱜ ᱠᱩ ᱥᱮᱴᱮᱨ ᱚᱴᱩ ᱠᱟᱭᱟ ᱿
ᱚᱱᱟ ᱧᱤᱫᱟᱹ ᱥᱮᱫ ᱫᱚ ᱚᱲᱟᱜ ᱚᱲᱟᱜ ᱜᱟᱸᱭ ᱠᱩ ᱡᱟᱜᱟᱣ ᱠᱩᱣᱟ ᱟᱹᱛᱩᱨᱮᱱ ᱥᱟᱱᱟᱢ ᱦᱚᱲ ᱥᱮᱞᱮᱫ ᱠᱟᱛᱮᱜ ᱟᱫᱚᱠᱩ ᱥᱮᱨᱤᱝᱟ ᱜᱟᱸᱭ ᱡᱟᱜᱟᱣ ᱨᱮᱭᱟᱜ ᱾ᱢᱟ ᱮᱱᱠᱦᱟᱱ ᱩᱢ ᱢᱟᱦᱟᱸ ᱫᱚ ᱱᱚᱝᱠᱟᱜᱮ ᱟᱫᱚ ᱫᱚᱥᱟᱨ ᱫᱤᱱᱫᱚ ᱫᱟᱠᱟ ᱢᱟᱦᱟᱸ ᱚᱱᱟ ᱨᱮᱭᱟᱜ ᱦᱚᱸ ᱚᱠᱛᱚ ᱦᱚᱭ ᱠᱟᱛᱮᱜ ᱵᱩᱝ ᱵᱟᱰᱟᱭᱟ ᱥᱟᱱᱟᱢ ᱠᱩ ᱡᱚᱦᱟᱨ᱿
Reviewed by Social Tribal News Journalist
on
January 14, 2026
Rating:
No comments: